Gerîlayê HPGyî Haydar Garzanî xoverdayîşê grevê vêşanîye yê zîndanan ê vera tecrîdê Îmraliyî ercna.

Gerîla Haydar Garzanî vat: ''Şero tewr pîl zîndanan de qewimîyeno. Embazê ke zîndanan de xo ver danê, grevê vêşanîye kenê raştîya faşîzmî hol zanenê. Tecrîdê vera Rayber Apoyî verê çimanê dinya de yeno kerdene. Dewleta qirker konseptê şerê taybetî ano ca.  Hînî zîndanan de teber de manaya teda, îşkence û zorbazîye çin a. Embazê tepişteyî seba azadîya kurdan û seba azadîya Rayberîye xo ver danê. Bi kilmî ê ganê xo erzenê meydanan. Tarîxê têgêrayîşê azadîye de xoverdayîşê bêhempayî estê. Çalakîyê grevê vêşanîye yê vera tecrîdî zî înan ra yê. Eke paştdayîşêko xurt bêro kerdene na çalakîye do faşîzm birijna. Ganî kurdî, dostê înan wayîrê na çalakîye vejîyê. Ganî tecrîdê Îmraliyî hînî biqedo. Wa kes vera faşîzmî xo nêkero ker û lal.''