Gerîlayanê ke warê Werxelê de vera dewleta tirke ya îşxalkere xo ver danê vat: ''Ma rayîr nêdê ke neyarî bi asanî debikewê erdo ke ma pê gonîya xo şito. Ma soz danê ke pê nê ruhî û bawerî têkoşîn bikerê û ser bikewê.''
Xoverdayoxanê Werxelê rayaumûmîye û embazanê xo rê mesajêk şawit.
Mesajê xoverdayoxan wina yo:
''Ma nê xoverdayîşî de sere de Rayber Apoyî, embazanê zîndanan, embazanê dewa û pêro şarê xo bi heskerdişî û azadîye, pê îrade û germîye selam kenê û heskerdişanê xo şawenê.
Seke şima zî zanenê bi şîarê rayberanê ma yê verênen Mazlûm Dogan, Kemal û Xeyrîyan 23ê nîsane ra nata vera konseptê çinkerdişê gerîlayan û tasfîyeya dewaya azadîye ma serkêşîya fermandaranê ma Serhed, Dîyana, Bawer û Delalan de têkoşîn û xoverdayîşêkê pîlî kenê.
Nê xoverdayîşî de pêro embazî hetê moral û kelecanî ra asta tewr berze de yê. Nê xoverdayîşî de xeylêk embazanê ma heta hela peyêne şer kerd û şehîd bîyî. Ma zî sey teqîbkerdoxanê dewaya înan ganî heta parçeyê peyênî yê esteyan xo feda bikerê. Ganî ma sey Zîlane vera neyaran bibê fedayîyanê cuye.
Ma rayîr nêdê ke neyarî bi asanî debikewê erdo ke ma pê gonîya xo şito. Ma soz danê ke pê nê ruhî û bawerî têkoşîn bikerê û ser bikewê.''
