Denîz Kayayî bi nameyê tepişteyanê PKK û PAJKî mesajê Newroze şawite û semedê pîlkerdişê têkoşînî veng da.

Eşkerayîye de nê ameyî vatene: ''Ma sey tepişteyanê PKK û PAJKî Newroza ke emser bi şîarê 'Wext wextê serkewtişî yo' yena pîrozkerdene zîndan de do bi eynî ruhî pîroz bikerê. Ma şexsê Mazlûm Dogan, Zekîye Alkan, Rahşane Demirel û Bêrîvanan de heme şehîdanê Newroze ya ke roja estbîyayîş û têkoşînê kurdan a, bi minet û hurmetî yad kenê. Ma Newroza Rayber Apo û heme hemrayanê xo yê ke zîndanan de yê, gerîlayan û heme şarê xo pîroz kenê. Newroza azadkerdişê Rayberîye do zaf xurt bêro kerdene û na çarçewe de Serra Pancasine ya Raybererîye û PKKyî sey serrêka têkoşînê  pîlî tarîx de cayê xo bigêro.

Xoverdayîşê zîndanan ra çiqê Newroze perayî, şehîdanê Newrozan serhildanî afernayî û her Newroze de şarê kurdî estbîyayîşê xo pê ercanê neweyan ramojna. Şorişê tewr pîlî Newrozan de qewimîyayî. Zekîye Alkan, Rahşan, Ronahî û Bêrîvanî bîyî mîrazê komelê kurdî yê neweyî. Nê heme raştîyan şarê kurdî kerd şarê serhildan û Newroze. Şarê kurdî bi  ercanê zengîn û rindan xo şidna û bi şarêko serkewte yo ke şaranê Rohilatê Mîyanênî rê serkêşîye keno.

Ma Newroza emserî bi coşê pîlî, hêvîye verwazî kenê. Serra Pancasine ya Têkoşînî de ma vanê bê Rayberîye çirey nêbeno. Rayberîya ke ma semedê kurdan û merdimîye xizmetê xurtî kerdî ma ci rê deyndarê ma do nê deynê xo bidê ke no zî pê caardişê  azadîye û demokrasîyî û wayîrvejîyayîşê ey beno. Prosesê Newroza hemdeme ke verê pancas serran ame destpêkerdene şarê kurdî û şaranê Rojhilatê Mîyanênî rê zaf çî da qezenckerdene. Coka ganî emser Newroze zaf xurt bêro pîrozkerdene ke faşîzm birijîyo Rayber Apo bibo azad. Na çarçewe de ma veng danê kurdan û dostanê xo wa her warî biaçarnê warê Newroze û wextêkê neweyî yê azadîye û demokrasîyî biafernê.''