Yewîyanê Xoverdayîşê Şingalî (YBŞ) derheqê hêrişanê dewleta tirke de eşkerayîye daye û nê vatî:

''Dewleta tirke ya îşxalker û qirkere  hîrê rojî yo hem bi teyarayanê şerî hem zî bi SÎHAyan  hêrişê Şingalî kena. 16 nûqtayî dîyayî bomabayan ver. Zafê nê cayan ê sîvîlan ê. Dewleta tirke sîvîl-leşkeran cîya nêkena hêriş kena. Netîceya nê hêrişan de xeylêk sîvîlî birîndar bîyî ya zî şehîd bîyî.

Dewleta tirke ya îşxalkere şewa 24ê teşrîna verêne de herêma Barê ya Xanesorî da bombayan ver û nê bombardumanî de hemrayê ma Rojhat Ereb şehîd bi. Şewa 25ê teşrîna verêne de zî 11 warî dîyayî bombayan ver. Nê hêrişan de merkezê dewan û bajarî ameyî hedefgirewtene.

Hêrişan de hemrayê ma Nemir Helîqî (Heval Nemir Qasim Elî), Orhan Şengal (Ûmran Ehmed Qasim Qolo), Dilbirîn Şengal (Ezîz Xeyro Cirdo), Azad Şengalî (Raîd Xalid Husên) û Dilgeş Şengalî (Selah Hesen Emer) şehîd bîyî û hemrayêkê ma birîndar bi.''