18ê nîsane de artêşa Iraqî hêrişê noqtaya Asayîşê Êzidxanî kerdbi. Fermandarîya YBŞyî derheqê hêrişî de eşkerayîyêke daye.

Eşkerayîye wina ya:

''18ê nîsane de, nêmeroje ra pey artêşa Iraqî Digurî ra hêrişê noqtaya Asayîşê Êzidxanî kerd. Naye ser o hêzê Asayîşê Êzidxanî neçare mendî ke cewabê hêrişî bidê. Rixmo ke Asayîşê Êzidxanî verî bi nêtê hişyarîye cewab da hêrişî, şar û hêzanê Asayîşî ra tayênî birîndar bîyî.

19ê nîsane de, saete 02.00 de artêşa Iraqî hêrişê noqtayanê hêzanê ma kerd û waşt embazanê ma esîr bikera. Rixmê hêrişê artêşa Iraqî zî embazanê ma xo provakasyonî ra dûrî girewt. Rixmê nê tewirê ma zî artêşa Iraqî hema zî provakasyonan rê dewam kena.

Ma heta nika seba çareserîye, vergirewtişê provakasyonî têgêrayî. Coka ma nê hêrişê artêşa Iraqî, hêrişanê dewleta tirke û PDKyî ra cîya nêercnenê. Artêşa  Iraqî netîceya tedaya PDK û dewleta tirke de hêrişê ma kerd. Armancê nê hêrişî kolekerdişê şarê ma, îşxalê erdê ma yo.Qismêkê hukmatê Iraqî waştişanê dewleta tirke û PDKyî ano ca. Ê wazenê ma şertanê 2014î mîyan de verbidê. Ma heta nika Iraqî reyde têgêrayî. La no hêrişo peyên ê Iraqî yeno manaya çinkerdişê erjanê ma.

9ê teşrîna verêne ya 2020î ra nata tewirê ma çareserkerdişê meseleyan ser o bi. Rixmê nê tewirî zî ame waştene ke destkewteyê ma bêrê çinkerdene. No hêrişê Iraqî keno ke ma cewabê hêrişan bidê. Nê hêrişan de yew embazê ma şehîd bi û di embazê ma birîndar bîyî.

Mesele se bena wa biba ma pê bawer a ke pê dîyalogan bêra çareserkerdene. Sey YBŞ û YJŞyî seba pawitiş û azadkerdişê nê erdî şerwan û fermandarê xo vînî kerdî. Ma binê şertanê tewr zehmetan de zî erdê xo tim pawit, vera DAÎŞî şerêko bêeman kerd û mewzîyê xo qetî nêteriknayî. Naye ra pey zî ma do vera pêro hêrişan xo ver bidê. Ma soz da şehîdan û şarê xo ke heta çilka xo ya peyêne erdê xo yê qedîmî bipawê.''