Yewîna Qesasî ya Şehîd Savaş Amedî beyanatêko nuştekî weşana û pare kerd ke ê teşrîna peyêne de nêzdîyê Rîhanî de Parla Rayîrê Sentoyî yê Amedî de teqebaro destviraşte eşt polîsan. Beyanatî de ame parekerdene ke tay polîs birîndar bîyî la hûmara înan nêameye zelalkerdene.

Yewînanê Qesasî pare kerd ke Taxa Zîya Gokalpî ya Amedî de înan bombaya destviraşteye eşte keyeyêk ke tede fuhuş ameyêne kerdene û kundox ameyêne rotene. Yewînan îfade kerd ke kesê bi nameyê O.Ç., M.Ç û Î yê ke kundox rotêne ameyî hişyarkerdene.Yewînanê Qesasî vat ke Sûrê Amedî de ajanêk ame tesbîtkerdene û eke o têkilîya xo bi dişmenan de nêqedîno do bêro cezakerdene.

 Yewînanê Qesasî ya Şehîd Baran Dêrsimî zî Wanî de vera polîsanê tirkan çalakîya hemwexte kerde. Beyanatî de ame vatene: "Beşyolî de teqebaro destviraşte ame eştene polîsan, zaf leşkerê dişmenî birîndar bîyî la hûmara înan nêameye zelalkerdene. Taxanê Îpekyolu, Sixke û Akkopru de hêzanê ma teqebaro destviraşte eşt Alaya Leşkerî ya Îpekyoluyî." Beyanatî de ame parekerdene ke yewînî do çalakîyanê xo zêde bikê.