Yewîya Qesasî ya Şehîde Sorxwîn Roboskî qezaya Bêrecûkî yê Riha de vera wesayîtêkê polîsanê tirkan çalakîyêke viraşte. Amed de zî Yewîya Qesasî ya Şehîd Numanî bi wesîleya serrgêra Komployê Mîyanneteweyî xeylêk cayanê bajarî de alayê PKKyî daliqnayî.
Yewîya Qesasî ya Şehîde Sorxwîn Roboskî 10ê sibate de semedê protestokerdişê komplo û tecrîdê vera Rayberê Şarê Kurdî Abdullah Ocalanî qezaya Bêrecûkî yê Riha de vera wesayîtêkê polîsanê tirkan çalakîyêke viraşte. Çalakîye de wesayît bi temamî ame îmhakerdene la derheqê merde û birîndaran de zanayîş nêgêrîya.
Hetê bînî ra Yewîya Qesasî ya Şehîd Numanî zî bi wesîleya serrgêra Komployê Mîyanneteweyî xeylêk cayanê Amedî de alayê PKKyî daliqnayî.
