Fermandarîya Qerargehê Merkezê Pawitişê Şarî derheqê şehadetê Endamê Konseya Fermandarîye ya HPGyî û Fermandarê Warê Dêrsimî Yilmaz Dersimî (Îsmaîl Surgeç) de eşkerayîyêke daye.

Eşkerayîye wina ya:

''Hêrişê hewayî yê rejîmê tirkî yê qirkerî de 10ê teşrîna peyêne de Gelîya Axvanosî de fermandarê ma yo ercîyaye Yilmaz Dersim (ÎSmaîl Surgeç) embazêkê xo reyde şehîd bi. Şehadetê embaz Yilmazî ma rê bi helanê girîngan ê tarîxî ra yew. Fermandarê ma bi çêrî û fedakarî têkoşîn kerd. Ma keyeyê ci û şarê Dêrsimî ra serweşîye wazenê. Wa sereyê pêro gerîlayan weş bo ke koyanê Dêrsimî de pê çêrî û qerardarîye xo ver danê.Fermandarê ma alaya serkewtişî teslîmê ma kerde. Ma soz danê ke seba vîrameyîşê ci ma do na ala berz bikerê.

Domano serewedar ê Dêrsimî embaz Yilmaz têkoşîn û xoverdayîşê Kurdîstanî de wayîrê cayêkê girîngî bi. Şehadetê ey seba ewlad û şerwananê Kurdîstanî xemgînîyêka pîl a. Dêrsim de ke tarîx de tim sey kelaya xoverdayîşî nasnameyê kurd û elewîtîye temsîl keno û wareyê Seyîd Rizayan o, Fermandar Yilmaz bi nameyê hesabpersayîşê tarîxî yê dewleta tirke ya kolonyalîste. Leşker û embazê Fermandar Yilmazî do hesabê şehadetê ci bipersê.Tornê Seyîd Rizayî yê ke vatêne 'Wa yar û neyarî bizanê ke binê her dara Dêrsimî de çêrî estê.', teqîbkerdoxê Sara, Baran, Atakan, Jîndar, Çetîn, Zîn û Yilmazan xo tarîxê xoverdayîşî yê Dêrsimî bi serkewtişî tacîdar bikerê û kolonyalîstan ra hesab bipersê.

Embaz Yilmazo ke 4 rojî verî serrgêra şehadetê Seyîd Riza û embazanê ci de tewrê karwanê şehîdan bi, fermandarêko fedayî yê Apoyî bi ke astengîye nêşinasnayêne û cuya xo seba şarê xo feda kerde. Embaz Yilmaz hema ke ciwan bi wextê wendişê dibistane de teda û îşkenceyê polîsan dîyî û 2 reyan kewt zîndan. La ey qet têkoşînî ra fek vera nêda, eqsê ci tim zêdêr kede daye têkoşînî. Gerîlatîya ci ya 27 serran destanêkê xoverdayîşî bîye. Embaz Yilmaz heyranê koyanê Dêrsimî bi û her cayê Dêrsimî ra gêra û tede têkoşîn kerd. Bi kesayetê xo yê geş û coşî ey tim karê zor û zehmetî kerdî. Nê esasî ser o zî tewrê hemleyanê ver bi Erzîngan, Koçgirî, Derya Reş bi.

Wexto ke Rayber Apo amebi esîrgirewtene embaz Yilmaz tewrê rêxistinîya Hêzan ê Taybeyan bi û bi serran fermandarîya ci kerde. Fermandarê ma yê ercîyayeyî Warê Dêrsmî de wezîfeyê xo yew vi yew ardî ca û xeta şehîdan û Rayber Apoyî ser o bi milîtan û fermandarêko bêtawîz.

Ma do bibê teqîbkerdoxê ê çêran ê sey Yilmaz Dersimî û teqez bibê embazê înan. Ma pê zanenê ke Seyîd Rizayî ra heta Sara eke ma Dêrsim bikerê kelaya xoverdayîşî eşkenê vîrameyîşanê înan bipawê. Dêrsim de Yilmazî do bizêdîyê, Dêrsim de her gerîla do bibo/a Yilmaz.Koyê Dêrsimî do kolonyalîzmê dewleta tirke rê bibê goristam. Rayraşîyayîşê Rayberîya Azade û Kurdîstanê Azadî de fermandar Yilmaz tim do biciwîyo, ruhê ey o fedayî tim do biciwîyo. No ruh û çêrî bikero ke gerîlayê Kurdîstanî do ser bikewê.''