Fermandarîya Qerargehê Merkezî ya YJA-Starî bi eşkerayîyêke rojbîyayîşê Rayberê Şarê Kurdî Abdullah Ocalanî fîraz kerd.

YJA-Starî vat: ''Rojbîyayîşê Rayber Apoyî dadîyanê şehîdan, cinîyan, xoverdayoxanê zîndanan, şaranê dinya û milîtananê Rayber Apoyî rê fîraz bo. Rayber Apoyî bi paradîgmaya demokratîke, ekolojîke û azadîgîra cinîyan tarîxo raştikên ê kurdan awan kerd û kerd ke cinîyê xo kurdî xo bişinasnê.

Ma do qetî esaretîya Rayber Apoyî qebul mekerê. Ma venga pêro cinî û ciwanan danê ke çarçewa Hemleya Wextê Azadîye de dormeyê Rayber Apoyî de bêrê yew ca û 2022 de şerê şarî yê şorişgêrî ser bivisnê.

Rayberîye reyde dara azadîye ya merdimîye zî zîl bîye, cinîyî agêrayî kokê xo ser. Bîyayîşê Rayberîye şorişê hişmendîyêka azade yo. Bîyayîşê Rayberîye şorişê cinîyan û komelê azadî yo. PKK bi xeta xo ya xoverdayîşî bi têgêrayîşêko global. Têkoşîn û xoverdayîşê Rayber Apoyî pêro cinîyan, komel, bindestan û mazlûman rê bîyî çimeyê hêz û moralî.

Sey hêzanê YJA-Starî zerrîya ma seba azadîye gulp dana. Ma soz danê Rayber Apoyî û şarê xo ke ma do 2022 de rayraşîyayîşê xo yê azadî de ser bikewê. Ma bîyayîşê Rayberîye sey bîyayîşê xo vînenê, coka ma rayraşîyayîşê xo yê serfîrazîye de her wextî ra hîna qerardar ê.

Sere de cinîyê kurdî ganî pêro azadîgîrî dormeyê Rayberîye de bibê çemberê adirînî. Eke cuyêka azade est ba a bi Rayberîye mumkîn a.''