Gerîlayanê YJA Starî seba vîrardişê Xoverdayîşê Rojeyê Mergî yê Pîlî yê 14ê Temmuze çalakîyî kerdî. Çalakîyan de 4 îşxalkerî ameyî kiştene 2 mewzî û 2 kamarayê mobese ameyî îmhakerdene.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.
Eşkerayîya HPGyî wîna ya:
Metîna
''Çarçewa Hemleya Şorişgêre ya Cengê Xabûrî de 13ê temmuze de vera îşxalkeranê ke Qirrika Girê Azadî de bî di hetan ra çalakîya koordînekerdîye ameye kerdene. Çalakîya bitesîra ke gerîlayanê YJA Starî seba vîrardişê Xoverdayîşê Rojeyê Mergî yê Pîlî yê 14ê Temmuze kerde de bi temamî 3 îşxalkerî ameyî cezakerdene 2 mewzî û 2 kamarayê mobese ameyî îmhakerdene. Eynî roje xeta Qaşûra de têgêrayîşê helîkopteran qewimîya û dormeyê dewanê Êdinê, Kêste û Hirorê yê Kanî Masî bi helîkopteran ameyî bombardumankerdene.
Avaşîn
Çarçewa Hemleya Şorişgêre ya Bazanê Zagrosî de hêzanê ma yê YJA Starî 1ê hezîrane de Tabûra Erebanî de vera îşxalkeran çalakîye kerde. Na çalakîya bitesîre de tewr tay îşxalkerêk ame cezakerdene. 13ê temmuze de artêşa tirke vera mewzîyanê şerî yê warê Werxelê pê gazê axuyênî hêriş kerd. 14 ê temmuze de zî artêşa tirka ke nêeşkayî vera hêzanê ma aver şiro cehd kerd ke yew kutiko ke milê ci kamera esta bişawe tunelan. Kutik ame bêtesîrkerdene. 13ê temmuze de warê Girşê yê Xakurkê pê teyarayanê şerî ame bombardumankerdene.
Netîceya nê hêrişan de vîbînîyayeyê ma çîn ê.''
