Merkezê Îrtîbatî û Çapemenîye yê HPGyî derheqê çalakîyanê gerîlayan û hêeişê îşxalkeran de eşkerayîyêke daye. Eşkerayîye wina ya:

''Çarçewa Hemleya Şorişgêre ya Bazanê Zagrosî de herêma Zapî de;

26ê temmuze de warê Cîloyê Biçûkî de vera îşxalkeranê ke waştêne mewzîyan virazê hetê hêzanê ma yê YJA-Starî ra pê çekanê giranan ameyî hedefkerdene. Çalakîye ra dima îşxalkerî neçare mendî le xebata mewzî vindarnê.

Çarçewa Hemleya Şorişgêre ya Bazanê Zagrosî de herêma Avaşînî de;

26ê temmuze de artêşa tirke ya îşxalkere warê Girê Sorî de tunelê şerî dayî bombayan ver û dima zî waşt tede kamerayan ca bikera. Mudaxeleyê hêzanê ma ra dima îşxalkerî neçare mendî ke xo apey bigêrê.

25ê temmuze de; warê Dola Şehîd û Herfa T, warê Werxelê yê Avaşînî de zî tunelê şerî dîyayî bombayan ver. 26ê temmuze de xeta Qaşûra ya Metîna de têgêrayîşê helîkopteran qewimîya û warê Sinînê yê Xakûrkê, dormeyê dewanê Kêstê, Derarê û Hirorê yê Kanî Masî yê Amedîyê dîyayî bombayan ver. 27ê temmuze de; dormeyê dewa Bazê yê Kanî Masî yê Amedîyê dîya bombayan ver. 

Heman roje artêşa îşxalkere warê Girê Zikdiryayî bi giranî da bombayan ver, tede leşkerî ardî war û operasyonêko hîra yê îşxalî da destpêkerdene. Derheqê nê operasyonê berdewamî de agahîyî do rayaumûmîye reyde bêrê vilakerdene.''