Cenazaya Yonca Akiciye ya ke seba protestokerdişê tecrîdê serê Rayberê Şarê Kurdî Abdullah Ocalanî Zîndanê Girewteyî yê Cinîyan ê Şakranî de çalakîya fedaîye viraştebî dewa Bûrnûbûlakî ya qezaya Dûtaxî ya Agirî de amî definkerdene.
Yonca Akinciya ke çar serrî verî bi sûcdarîya “bîyayîşê endama organîzasyonî” amîbî tepiştene, Zîndanê Girewteyî yê Cinîyan ê Şakranî de 1’ê Adare ra nata grevê vêşanîye de bîye.
Akiciye netîceyê çalakîya fedaîye ke 29’ê Adare de viraştebî bi giranî birîndar bîbî, dima ra amîbî berdene bi Nêweşxaneyê Dewlete yê Çîglî û ûca gîrîyabî unîteya ciewnîyayîşî. Akiciye roja 1’ê Nîsane cuya xo vîndî kerdebî.
Cenazaya Akiciye dimayê muameleyanê otopsîye yê Sazîya Tibê Edlîyî (ATK) ra seba definkerdişî sere de bi teyare amî ardene bi Erziromî, dima ra zî bi bejrayîrî amî ardene bi dewa Bûrnûbûlakî ya qezaya Dûtaxî.
Cenazaya Akinciye dimayo ke roja 3’ê Nîsane dorê 03.00 de resaye dewa Bûrnûbûlakî binê ablukaya cendirmeyan de hetê keye û merdimanê aye ra amî definkerdene. Hêzanê rejîmî teberê qismêkê ferdanê keyeyî de çewî rê destûr nêda ke bikewê goristan.
