Koordînasyonê YPS’yî derheqê şehîdanê Sûrî de bi nuştekî beyanat da û wina va:

 “Faşîzmê AKP-MHP’yî bi planê çokdayîşî serra 2015’î de hêrişê bajaranê Kurdan kerd. Xopawitişê Kurdan bi xoverdayîşê Sûrî vejîya cayo tewr berz. Dewleta faşiste ya Tirkî, nê xoverdayîşan ver ameye çok. Naye ser Tirkîya ber bi ber gêraye û bi taybetî zî DYA û Rûsya ra waşt ke paştdarîye bidê ci.

Binê fermandarîya Fermandaro Pîl Şehîd Çîyagerî de embazî Nucane, Delîl, Şîlane, Erîş, Hogir, Mahsûn û Çekwar 105 rojî, vera TC’yî de xoverdayîşêko pîl da û dewleta Tirkî arde çok. Dewleta Tirkî 4 tabûrî leşkerê xo Sûr de kerdî vîndî. Bajar dûrî ra bombarduman kerd, rijna û ancax bi nê qeydeyî rayîr akerd.

Embaz Çîyagerî wina vatbi: ”Netîce senî beno bibo, xoverdayîşê ma zî, şehadetê ma zî do muhteşem bo”. Embaz Çîyagerî bi 70’ê embazanê xo, vera leşkerîya TC’yî de 105 rojî xo ver da û derbeyêka pîle daye dişmenî ro. Şehadetê ci zî sey xoverdayîşê ci, bêemsal bi. Embaz Çîyager kesêko mutewazî û kedkar bi. Ma fermandar Çîyagerî û xoverdayoxanê Sûrî yê ke heta guleya xo ya peyêne xo ver dayo bi hurmet yad kenê. Ma şerwanê YPS’yî, karakterê Çîyagerî xo rê sey nimûne vînenê û soz danê şehîdanê Sûrî ke ma do heyfê înan bigîrê.”