Koordînasyonê YPS/YPS-JIN bi wesîleya serrgêra 7. ya ronîyayîşê xo eşkerayîyêke daye.

Eşkerayîye de ame vîrvistene ke dima ke dewleta faşîste 2015 de planê çinkerdişî yê vera têgêrayîşê azadîye îlan kerd înan xoverdayîşêko bêhempa kerdo. Eşkerayîye de ame vatene ke YPS/YPS-JIN xoverdayîşê xoîdarekerdişî yê Sûr, Cizîr, Nisêbîn, Şirnex, Gimgim, Farqîn, Silopiya, Gever, Wan, Dêrik, Kerboran, Hezex, Rêzan û Bismilî de îradeyêko pîl mojna û vera he tewirê hêrişê dewlete îradeyê xoîdarekerdişî yê şarî pawit.

YPS/YPS-JIN vat: ''Xoverdayîşê 2015-2016î serkêşîya Çiyager, Zeryan, Îslam, Xebatkar, Nûcan, Çeko û Berfîne de vurîya xoverdayîşêkê destanwarîyî. Şexsê înan de ma şehîdanê xoverdayîşê xoîdarekerdişî bi rêzdarî yad kenê. Ma nê prosesî de bedelê giranî dayî la her game de têkoşînê azadîye aver şi.

YPS/YPS-JIN serê rêçê şehîdan de bi qerardarîyêka xurte û ruhê têkoşînê azadîye dest pê serra 8. ya têkoşînî kenê. Nê hewt serran de YPS/YPS-JIN mîyanê têkoşînêkê aktîfî de bîyî û nika rejîmê AKP-MHPyî yo faşîst mîyanê rijîyayîşî de yo. Têkoşînê 2022yî yê tarîxî mojna ke dewleta tirke verê rijîyayîşî de ya. YPS/YPS-JIN hînî metropolanê Tirkîya û Vakurê Kurdîstanî de bîyê tersê zerrîya dişmenî. Ganî şarê ma bizano ke hemleya ma ya serkewtişî demkî nîya. YPS/YPS-JIN bi şîarê 'Rayberîya Azade û Kurdîstanê Azadî' na hemleya serkewtişî rê bi îdîa û qerardarî dewam kenê. Me venga şarê xo û pêro şorişgêranê Kurdîstanî danê ke vera hêrişanê qirkeran ê dişmenê faşîstî, bi hawayêkê aktîfî tewrê hemleya ma ya serkewtişî vejîyê û hemle pîl bikerê.''