Koordînasyonê YPS/YPS-JIN vera Komployê 9ê Teşrîna Verêne eşkerayîyêke daye.

Eşkerayîye wina ya:

''Têkoşîn û xoverdayîşê vera komployî dewam kenê. Prosesê komplo hetê AKP-MHPyî ra hema zî yeno caardene. Heta ke Rayberîya ma esîr biba heta ke polîtîkayê qirkerdişî vera şarê ma bêrê kerdene ma sey YPS û YPS-JIN têkoşînê xo dewam bikerê. Ma rayberê têkoşînê vera komployî yê. Ma do nêverdê ke AKP û MHP ser bikewê. Ma do heta peynî şarê xo bipawê.

Komplo bi qirkerdişê kurdan dîyeno dewamkerdene. La ganî bêro zanayene ke qirkerî do qet ser nêkewê. Pawitişê nasname, şar û estbîyayîşê ma, têkoşînê seba azadîye wezîfeyê ma yê bingeyî yê. Êyê ke kurdan rê qirkerdiş rewa vînenê wa ganî bizanê ke keye, kuçe, şaristananê xo de do nêeşkê bi aramî biciwîyê.

Ma do tim vera komplo, bêbextî, çinkerdiş û koledarîye xo ver bidê û Hemleya 'Wext Wextê Azadîye' ya KCKyî rê rayberîye bikerê. 

Wext wextê têkoşînê bêmaben o, wext wextê xoverdayîşî yo. Wext wextê rijnayîşê faşîzmî yo. Wextê ci ameyo ke ma Rayberê xo, şarê xo, koyanê xo û şaristananê xo azad bikerê. 

Heta ke azadîya Rayberîya ma, şar, koy û şaristananê ma bêra caardene ma do têkoşînê xo pîl bikerê û bibê layîqê Rayberê xo.''