Merkezê Îrtîbatî û Çapemenîye yê Yewinanê Pawitişî yê Rojhelatê Kurdîstanî (YRK) derheqê şehadetê gerîla Şervan Rojdayî de eşkerayîyêke daye.

Eşkerayîye de ame parekerdene ke 30ê kanûna 2023yî de herêma Asosî de netîceya bombardumanê droneyanê çekdaran ê dewleta tirke ya îşxalkere de gerîla Şervan Rojda şehîd bîyo.

Nasnameyê embazê ma wina yo:

Name û Peyname: Sanî Îmanî

Nameyê Qodî: Şervan Rojda 

Tarîx û Cayê Tewrbîyayîşî: 2022-Maku

Tarîx û Cayê Şehadetî: 30/12/2023- Asos''

YRKyî vat: ''Embazê ma Sanî Îmanî (Şervan) bajarê Maku yê Rojhelatê Kurdîstanî de yeno dinya û bi hîkayeyanê qehremanîye yê gerîlayan beno pîl. Embazê ma Şervan dima ke tewrê gerîlayan beno cade cuya koyan museno, pêro erkan xo bê teredutî ano ca û tim xeta Apogîre de israr keno Embaz Şervanî heta nefesê xo yê peyênî şer kerd. Ma sere de keyeyê ey rê pêro şarê ma yê welatperwerî rê serweşîye wazenê. Ma soz danê ke heta serkewtişî do xeta şehîdan teqîb bikerê.''