Mudirîyetê Merkezê Caardişî û Cigêrayîşî yê Perwerdeyê Dûrî yê Zanîngehê Artuklu yê Mêrdînî (MAUZEM) bi dîyalektîkanê kirmanckî û kurmanckî û bi sûryankî kursan bido.

Kursî bi modelê perwerdeyî dûrî do bêrê dayene. Dersî sey mîyanê hewteyî û peynîya hewteyî di grûban ra bêrê meydan û eke taleb bibo saetanê mesaîyî ra dima zî dersî do bêrê dayene. Êyê ke wazenê beşdarê kursan bibê ganî sîteyê zanîngehî ser o formê beşdarîye pirr bikê. Derheqê kursan de sîteyê zanîngehî de nê zanayîşî ameyî dayene:

Kirmanckî

Kursê kirmanckî 3 astan ra bêrê meydan. Sîteyê zanîngehî de seba kirmanckî wina yeno vatene: "Tay sebeban ra UNESCOyî raporê xo yê 2009î de pare kerd ke estbîyayîşê kirmanckî binê tehlûke de yo."

Beyanatê sîteyî de yeno vatene ke seba standartbîyayîşê kirmanckî xebatî dewam kenê û ganî kirmanckî de hûmara wendox û nuştoxan biba zêdêr. Seba kursê kirmanckî tay materyalî sey kitaban ameyî amadekerdene. Bi kursanê kirmanckî yeno hedefkerdene ke kesê ke beşdarê kursanê kirmanckî benê xo aver bêrê.

Sûryankî

Sûryankî dîyalektîkêka aramkî ya û Mezopotamya û Vakurê Sûrîye de Î.V. 2000î ra nat yena qiseykerdene. Sûryankî ewro Tirkîya, Îran, Iraq, Sûrîye û Lubnanî de yena qiseykerdene. Dersê sûryankî sewîyeya A1î ra dest pêkenê.

Kurmanckî

Kursê kurmanckî 3 astan ra do bêrê meydan. Asta yewîne de kurs seba kesanê ke kurmanckî tewr nêzanenê yan zî zaf tay zanenê do bêro dayene. Asta diyîne û hîrêyîne zî sey dewamê aste yewîne bibê.