Gerîlayanê HPG û YJA-Starî herêma Zapî ya Herêmanê Pawitişî yê Medya de Newroze 2022yî bi coş û kelecanêkê pîlî fîraz kerde. Şayîye de gerîlayan pîya adirê Newroze vist ta. 

Gerîlayan sere de Newroza Rayberê Şarê Kurdî Abdullah Ocalanî, Newroza keyeyanê şehîdan û şarê kurdî fîraz kerde û vat: ''Ma sey fedayîyanê Rayber Apoyî û şagîrdanê Mazlum Dogan û Mahsum Korkmazî  serra 2022yî do bikerê serra azadîya Rayber Apoyî û şarê Kurdîstanî. Seba ney destê ma ra çi bêro ma do bikerê û wezîfeyê xo heta çilka peyêne ya gonîya xo bîyarê ca. Ma do serra 2022yî bikerê serra serkewtişî, wa çew ney ra şik mekero.''

Gerîlayan dîyar kerd ke Hemleya 'Bazanê Zagrosî' do serra 2022yî de bi xurtî dewam bikera û înan vat: ''Hemleya 2021î de xeylêk embazê ma yê ercîyayeyî şehîd bîyî û hêzê dişmenî bin kewtî. No mojneno ke ma nêzdîyê serkewtişî yê.''

Gerîlayan ard ziwan ke Newroza 2022yî Newrozanê bînan ra cîya ya û vat: ''Emser do biba serra azadkerdişê Rayber Apoyî.''

Gerîlayan govendê herêmanê cîyayan ê Kurdîstanî girewtî û bi coş û moralêkê pîlî Newroze fîraz kerde. Gerîlayan bi sloganê 'Biciwîyo Serek Apo' fîşekê hewayî teqnayî