Merkezê Çapemenî û Îrtîbatî yê HPG’yî derheqê hêrişanê hewayî yê artêşa Tirkî de eşkerayîyêk daye û nê çîyî pare kerdî:

“12’ê Nîsane de teyareyanê şerî yê TC’yî ya îşxalkere vera herêmanê Wareyanê Pawitişî yê Medya hêrişê hewayî viraştî, goreyê naye zî;

Vizêrî  mabênê saetanê 09:00-13:00 de Şîkefetê Birîndaran, Cîloyo Qij û wareyê Sance yê girêdayîyê Zapî, mabênê saetanê 10:20-13:20 de zî wareyê Aris-Farisî yê ke girêdayîyê Avaşînî yê bombarduman kerdî.

Netîceyê bombardumanan ê dergan de tu zerar nêresto hêzanê ma.

Têkilîya ma bi vîndîbîyayîşê Halîl Dûmanî çin a

10’ê Hezîrane 2018 de dewa Kavalî ya ke girêdayîya Colemêrgî ya de welatperwerêkê ma yo bi rûmet bi nameyê Halîl Dûman bibî vîndî.  Dimayê nê serebûtî yo ke bîyayîş û semedê xo nêameyo zanayene de, dişmen û tayê hamkarê înan cehd kenê ke zanayîşê ke eleqeyê xo bi hêzanê ma çin ê mabênê şarî de vila bikerê.

Heme netîceyê cigêrayîş û etudê ke hetê ma ra ameyê kerdene de, têkilîya hêzanê ma bi nê serebûtê vîndîbîyayîşî de çin a. Ma na babete de dazanayayîş dayene sey wezîfeyî vînenê, şarê ma goş nêdo nê kayanê şerî yê taybetan ser.