Sînan Dêrsim kendalanê xidaran ê Dêrsimî de qezaya Pilemurîye de serra 1978î de dadîya xo ra beno. Dêrsim sey dadîyêka zanaye domananê xo weye keno. Nasnameyê xoverdayîşî yê Dêrsimî Sînan de bi kulturêk, xidarêk û tarîxêk.

Sînan Dêrsim wextê zanîngehî de PKK şinasneno. O çax o wazeno ke peynîya dejanê Dêrsimî bîyaro çunke hasmênê Dêrsimî ra vilî nê bombayî perrayêne. Serê koyanê Dêrsimî de lawikî berz bibîyêne. Sînan Dêrsim semedo ke verê nê qirkerdişî bigêro tewrê têkoşînî beno. O verî xebatanê YCKyî de ca gêno û rêxistinîya ciwanan rê rayberîye keno.

Embaz Sînan Dêrsim hema ciwanîya xo de mesuldarîyanê pîlan gêno xo milî û beno Endamê Konseya Rayberdişî ya KCKyî. O xebatanê awanîya sîstemê Neteweya Demokratîke de beno wezîfedar û beno wayîrê xeylêk pratîkan. O wextêkê dergî xebatanê Ewropa de, rêxistinîya Ewropa de rolanê pîlan ano ca û beno mesuldarê karanê Ewropa.

2008 de perwerdeyê çeleyî yê PKKyî ra dima o Ewropa de pê perspektîfêkê pîlî û performansî mesuldarîya pîle keno. 2016 de embaz Sînan Dêrsim agêreno welat û newe ra awanbîyayîşê HPG û YJA-Starî de xebitîyeno. Ey o çax embazê xo perwerde kerdî.

Embaz Sînanî serra 2017î ra heta 2020î Akademîya Apollonî de perwerde da. Ey embazanê xo rê hem perwerdekarî hem zî fermandarîye kerde. Ey kerd ke embazî paradîgmaya Rayberîye hol fam bikerê û qetî wezîfeyanê xo ra tawîz nêda. O heskerdoxê şîîran zî bi. Ey mîyanê xebatanê HBDHyî de sey Endamê Komîteya Rayberdişî ya HBDHyî ca girewt. Ey tim wina bawer kerdêne ke ganî sosyalîzm û têkoşînê şarî bibê yew.

Sînan Dêrsim peyê raştîye de pê eşq, hewes, bêpersî vazdayêne. O rêçê ewladan ê çêran ê Dêrsimî Sara, Baran, Yilmazan ser de şi û heta peynî zerrîya ci pê eşqê şoriş û azadîye gulp da.