Fermandara Qerargehê Merkezî ya YJA-Starî Zozane Çewlik bi wesîleya serrgêra 40ine ya Hemleya 15ê Tebaxe Stêrk TV rê qisey kerd.

Zozane Çewlik  Hemleya 15ê Tebaxe fîraz kerde, şexsê Fermandar Egîdî (Mahsum Korkmaz) de şehîdî yad kerdî û vat: 

''Hemleya 15ê Tebaxe bîye bingeyê têkoşînê azadîye yê cinîyan. Ma zî sey YJA-Starî têkoşîn de cayê xo girewt. Hemleya 15ê Tebaxe 40 serrî xo pey de verdayî. Hemle kerd ke kurdî bêrê xo ser, xo bipawê û wayîrê nasnameyê xo vejîyê. ke Hemleya 15ê Tebaxe tarîxê têkoşînê kurdan û cinîyan de prosesêko newe dayo destpêkerdene. Nê têkoşînî de bedelê pîlî dîyayî la qetî teslîmîyet nêame qebulkerdene. Na hemle ra dima şexsê cinî û ciwanan de şorişêko komelkî qewimîya.

Hemleya ma ruhê neteweya demokratîke aferna. Rayber Apoyî bi na hemle çareserîya meseleyanê bindestan vete werte. Serrêke ra nata gerîlayê HPG û YJA-Starî têkoşînêkê xurtêrî kenê. Xeta ma ya pawitişî ruhê Zapî de eşkera bena. Ewro Zap de bingeyê Hemleya 15ê Tebaxe de têkoşînêko pîl yeno kerdene. Embazanê ma 2024 de mojna ke xeta Zîlane û Egîdî xetêka bêmexlûb a.

Ma mîyanê şerêkî de yê ke 10 serrî yo bêmabên dewam keno. Ma hem vera îşxalkeran hem zî vera xayîn û hemkaran şer kenê. Ewro PDK xeta îxanetî rê serkêşîye keno. PDK hetê dewleta tirke de cagêno û mîyanê qirkerdişê kurdan de cagêno. Wa şarê ma yê Başûrî ney qebul nêkero. Wa PDK kurdayetîye ser o qisey nêkero. Hinî wa şarê ma zî rîyê PDKyî yê raştikênî bivîno.

Şerê qirkerdişî Îmrali de vera Rayber Apoyî zî yeno kerdene. Eke çîyêk bêro sereyê Rayber Apoyî ciwan, cinî û şerwanê HPG û YJA-Starî do kokê dewleta tirke bîyarê. Wa her kes na raştîye hol bizano. Ganî ma verê Rayber Apoyî de erkanê xo bîyarê ca. Ganî ma her wextî ra zafêr wayîrê erjanê xo, îrade, nasnameyê xo vejîyê.

Ma sey gerîlayan qerardar û bawermend ê ke ma do bi ruhê Hemleya 15ê Tebaxe Başûr de peynîya îtîfaqê gemarinî bîyarê û guleyê peyênî bierzê sîyasetê qirkerdişî. Ma do hîna zaf wayîrê xeta Zîlane û Egîdî vejîyê, têkoşînê xo ser bivisnê. Nê esasî ser o ma Hemleya 15ê Tebaxe fîraz kenê.

Bijî Rêber Apo,

Bijî Rihê 15 Tebaxê.”