4 şaristananê Rojawanî de qedexeyê tebervejîyayîşî

Îdareyê Xoserî pêşnîyazê Masaya Krîzî ya Rojawanî seba 10 rojan Hesekê, Qamişlo, Reqa û Tebqa de qedexeyê tebervejîyayîşî îlan kerd.

Masaya Krîzî ya Îdareyê Xoserî ya Rojawanî Hesekê, Qamişlo, Reqa û Tebqa de qasê 10 rojan qedexeyê tebervejîyayîşî îlan kerd.

Qedexe do 26ê teşrîna peyêne de dest pêbikero û heta 5ê kanûne dewam bikero.

Wextê qedexeyî de pêro herêmanê Îdareyê Xoserî de dibistan, zanîngeh û parkî do girewte bibê. Herêman de têna dayîreyê xizmetê umûmîye, firin û nêweşxaneyî do akerde bimanê.