Dewa Elpelûre ya Kobanê ya ke Rayberê Şarê Kurdî Abdullah Ocalan wexto ke derbazê Rojawanî bi verî şîbî uca tede 4ê Nîsane ame fîrazkerdene. Şayîye pê şîarê 'Wext wextê azadkerdişê Rayber Apoyî yo dest pêkerd.'

Şayîya 'Keyeyê Rayberîye' de pê beşdarîya temsîlkaranê Îdareyê Xoserî, dezgehanê Îdareyê Xoserî û Kongreya Starî, TEV-DEM, Hêzanê Asayîşî û roniştoxanê herême ameye kerdene. Şayîye de verî vengê Rayberê Şarê Kurdî ame goşdarîkerdene. Îdarekara Kongreya Starî Raperîne Dêril şayîye de qisey kerd û îfade kerd ke 4ê Nîsane seba Rojhelatê Mîyanênî, Kurdîstan û cinîyan yeno manaya newerabîyayîşî.

Endamê Meclîsê PYDyî Bekir Hecî Îsayî zî da zanayene ke heta Ocalan azad bibo ê xoverdayîşê xo dewam bikerê.

YPJyî zî mesajêk erşawit şayîye. Çarçewa şayîye de Akademîya Komelê Demokratîkî musabaqa serûber kerde. Şayîye pê govende, deyîran û şîîran dewam kena.