Bi wesîleya ameyîşê wisarî û 8ê Adare Roja Cinîyan ê Kedkaran a Dinya ma verê xo da çeperanê YPJyî. Şerwananê YPJyî seba 8ê Adare mesajê girîngî pare kerdî. Şerwanan 8ê Adare yê pêro cinîyan fîraz kerd.

Şerwana YPJyî Xemlîn Zekerîya vat: ''Ma do 8ê Adara 2020î bikerê roja serkewtişî, no sozê ma yê seba pêro cinîyanê dinya yo.''

Şerwane Bêrîtane Cûdî vat: ''Ma çeperan de na roje pêşwazî kenê. No seba ma sereberzî yo ke ma bi xoverdayîşî na roje pêşwazî kenê. Ma seba serkewtişê cinîyan heta peyên do têkoşîn bikerê.''

Şerwane Rûmaf Amûdê vat: ''Na roje seba cinîyan rojêka fîraz a, na roje hêzê cinîyan vejîyena werte. Ma sey cinîyanê YPJyî rojêke ney her roje têkoşîn û xoverdayîşê xo kenê. Ez roja 8ê Adare ya pêro cinîyan fîraz kena.''

Şerwane Denîz Serêkanîyê vat: ''Na roje rojêka fîraz a. Şarê ma kampanê Serêkanîyê de na roje fîraz kenê, ma zî seba pawitişê şarê xo çeperan de na roje pêşwazî kenê. Na seba ma çalakîyêka tewr pîlêr a. Ma pê bawer ê ke ma do serra 2020î do bikerê serra serkewtişî.''

Şerwananê YPJyî yê çeperê Til Temirî venga cinîyanê Rojawanî da ke xo rêxistin bikerê û vera îşxalan vinderê.