Binşew (şewa yewşemeyî)  saetanê şewe de Efrîn de binateyê  grubanê  çeteyanê Ehrar Şarqîye  û Cepheyê  Şamîye de pêkewtişî vejîyayî.

Çimeyanê cayîyan da zanayene ke  Ezaz de yewîya polîsî û eskerî ke hetê dewleta tirkî ra ameya ronayene, endamê Ehrar Şerqîye tepiştî,  no semed ra pêkewtişî heta Efrînî ameyî.

Pêkewtişan roja şemeyî Ezaz de dest pêkerd. Goreyê çimeyanê cayîyan pêkewtişî binateyê çeteyanê eşîrê Şehadetî û Hasesne de ameyî cuyayene. Polîsanê tirkî zî çeteyê Ehrar Şerqîye mesuldar dî û endamê ci girewtî binçim.

Keyeyê ke pêkewtişan înan ser o tesîr kerdo, wazenî ke Kampa Sûco caverdî la dewleta tirkî bi wesayîtanê zirxinan vernîya şarî gena û destûr ci nêdana.

Rixmê naye xeylê keyeyan kamp  terk kerd û şîyê dewanê Bab El Selaye û Sûco.

Kampa Sûco ya Ezazî de şaro ke Sehba, Tîl Rîfat û xeylê cayanê bînan ra ameyo tede yo. Keyeyê çeteyan ke Derazorî ra remayî, ê zî nê kampî de manenî.

Pêkewtişê roja şemeyî de qijo bi nameyê Mustafa Muhamed Necar merdbi.

Herêmanê  sey Cerablûs û Mare de zî goreyê zanayîşan çeteyî verdîyayî yewbînan la na xebere hema nêameya teyîtkerdene.