Îdareyê Xoserî paştî daye HDPyî: Ganî dewleta tirke bêra muhakemekerdene

Îdareyê Xoserî yê Rojawanî derheqê Dewaya Kobanê ya vera HDPyî de eşkerayîyêke daye. Îdareyê Xoserî venga komelê mîyanneteweyî da û vat: ''Ganî dewleta tirke rê dewa bêra akerdene.''

Îdareyê Xoserî yê Herêma Firatî yê Rojawanî derheqê Dewaya Kobanê ya vera HDPyî de eşkerayîyêke daye. Endamê dezgehan ê sivîlan ê Herêma Firatî zî tewrê eşkerayîye bîyî.

Hemsereka Meclîsê Edaletî Nusra Xelîl û Hemsereka Meclîsê Rayberdişî Fewzîye Ebdî verê bînaya Meclîsê Îdareyê Xoserî de eşkerayîye wende. 

Eşkerayîye de ame vîrvistene ke wextê hêrişanê DAÎŞî de HDPyî seba seferberîya Kobanê veng da, goreyê krîteranê Dezgehê Heqanê Merdiman têgêra, koçbera rê kampe akerde û birîndarê şerî derman kerdî.

Eşkerayîye wina dewam kena: ''Serran ra dima AKPyî nê paştdayîşê HDPyî ser o dewayêke akerde. Dewaya Kobanê ya vera HDPyî dewayêka sîyasî ya û Tirkîya bi nê hawayî qesasê çinbîyayîşê DAÎŞî gêna. Mehkemeya Heqanê Merdiman a Ewropa zî waştbi ke Selahattîn Demîrtaş wa bêro veradayene.

Paştdayîşê HDPyî seba ma şarê Kobanê destê DAÎŞî ra xelisîyayîş bi. Ewro ma reyna venga Mehkemeya Ewropa, rêxistinanê heqanê merdiman danê ke Tirkîya ra biwazê ke wa biranê înan bîyara ca û edalet bêro caardene.''