Îdareyê Xoserî yê Rojawanî derheqê hêrişanê îşxalî yê dewleta tirke de eşkerayîye daye.

Eşkerayîye de ame vîrvistene ke dewleta tirke ya îşxalkere pê droneyan taxa Paymanî ya Kobanê de hêrişê keyeyêkî kerd û netîceya hêrişî de tay sivîlan dinyaya xo bedilnaye, tay sivîlî zî birîndar bîyî. Îdareyê Xoserî vat: ''No sahfayêka tehlukeyîne ya şerî mojnena ke taktîko newe yê şiknayîşê îradeyê şerî û xîretê îşxalî yo.

Ma sey Îdareyê Xoserî yê Rojawanî keyeyanê şehîdan rê serweşîye wazenê û birîndaran rê zî şîfaya xeyrîne wazenê. Ma do têkoşînê xo yê demokratîkî û xebatanê xo yê vera terorî û pawitişê aramîya herêman rê dewam bikerê. Ganî hêzê Sûrîye, Koalîsyono Mîyanneteweyî û Rûsya tewirê xo bi zelalî vera hêrişan bimojnê. Eke bêveng bimanê ma do şik bikerê ke hayîya înan pê hêrişanê Tirkîya esta.

Ma venga komelê mîyanneteweyî, pêro rêxistinanê mîyanneteweyîyan û heqanê merdiman danê ke seba ke hêrişê dewleta tirke biqedê têbigêrê.''