Îdareyê Xoserî yê Rojawanî pê eşkerayîyêke venga hukmatê Şamî, Amerîka û Rûsya da ke vera hêrişanê dewleta tirke ya îşxalkere tewirê xo bimojnê.

Eşkerayîye wina ya:

''Dewleta tirke pê armancê hîrakerdişê îşxalê xo vera Rojawanî hêrişê xo zêdînayî. Nê herêman vera DAÎŞî û komanê radîkalan xo pawitbî. Dewleta tirke pê nê hêrişan pêro krîter û peymananê mîyanneteweyîyan binpay kena. Hêrişê peyênî yê dewleta tirke yê vera Minbic, Til Temirî û Qamişloyî nîyetê ci yê çinkerdişê asayîşî eşkera kenê. Dewleta tirke pê nê hêrişan wazena reyna DAÎŞ abigêro.

Ma venga dezgehanê mîyanneteweyîyan ê Koalîsyonê Mîyanneteweyî û Rûsya danê ke sey garantorê herême vera hêrişanê Tirkîya tewirê xo bimojnê. Nê hêrişî alozîya Sûrîye xorinêr kenê, projeyanê îşxalî aver benê û herême parçe kenê. Ganî hukmatê Şamî zî vera nê hêrişan tewirê xo bimojno.

Ma venga şaranê xo danê ke wayîrê destkewteyanê şehîdan vejîyê, çi zere çi teber nawnayîşan bikerê û hêrişanê dewleta tirle şermezar bikerê. ma pabesteyê adirbirnayîşî yê û ma do vera nê hêrişan mesuldarîya xo bîyarê ca. Ma do pê pêro hêzê xo destkewteyanê xo bipawê.''