Hetkara Hemserekanê Meclîsê Rayberdişî yê Îdareyê Xoserî yê Rojawanî Emîne Osê karê 2021î û stratejînan înan a serê 2022î ANFyî rê ercnayî.

Emîne Osê îfade kerd ke 2022 de vera Rojawanî ambargoyî û hêrişî nêvindertî. La gamê pîlî zî erzîyayî. Ma xeylêk pêvînayîş û karê dîplomatîkî  kerdî. Seba ke Îdareyo Xoser bişinasîyo ma zaf xebitîyayî û seba ke krîzê Sûrîye çareser bikerê xîret kerd. Ma do nê cigêrayîşanê çareserîye 2022 de xurtêr bikerê. 2022 de stratejîya ma bi giranî do xurtkerdişê têkilîyanê mabênê şaranê herême ser biba. Ma do welatanê Ewropa de zêdêr têkilîye virazê, ma do temsîlkarîyanê xo abikerê.

2022 de zî ma do xîret bikerê ke gef û tehlukeyanê vera projeyê neteweya demokratîke, hêrişanê dewleta tirke ya îşxalkere û dafikanê Şamî pûç bikerê. Ma do giranîye bidê rêxistinîye ser. Ma seba ke ambargoyê vera herême bêtesîr bikerê do seferber bibê. Ne rejîmê Şamî ne zî hêz bînî yê sey Rûsya seba çareserîya krîzî nêxebitîyenê. Krîterê ma yo bingeyî çareserîya zereyî ya.  Vera şarê ma hêrişê leşkerî û şero taybet qet nêvindertî. Şarê ma hertim do hêzanê xo reyde bibo û destkewteyanê xo bipawo.

Seba xizmetanê weşîye, ekonomî, perwerde û şaredarîye ma budçeya 2022î eyar kerde. Ma do 2022 de şarê xo bêkar meverdê, rêxistinîya cinîyan û ciwanan xurtêr bikerê, awanîya sîstemî temam bikerê. Pêro dezgehanê ma plansazîya xo ya 2022î kerde, ma do goreyê ney amadekarîyê xo xurt kerdî. Ma do pêro armancanê xo bi serkewtişî do bîyarê ca.''