Îşxalkeran cenazayê şehîdan berdî kamca?

Hemserekê Meclîsê Keyeyanê Şehîdan ê Efrînî Fewzî Mistefayî pers kerd ke cenazayê şehîdanê ke hetê dewleta tirke ra ameyî remnayene ameyî berdene kamca. Mistefayî venga warê mîyanneteweyî da ke bêveng nêmano.

Goristanê Avesta yo ke tede cenazayê şerwananê YPG-YPJyî ameybî definkerdene wextêkî verî dewleta tirke pê zûrê 'Tede gorê komkî estê' xera kerd û tira cenazayî vetî. 

Hemserekê Meclîsê Keyeyanê Şehîdan ê Efrînî Fewzî Mistefayî venga warê mîyanneteweyî da ke wa tesbît bikero ke cenazayî ameyî berdene bi kamca.

Fewzî Mistefayî vat: ''Nameyê Meclîsê Keyeyanê Şehîdan ê Efrînî ser o ma venga rêxistinanê huqûqî yê mîyanneteweyîyan danê ke komîteyanê xo wezîfedar bikerê, bierşawê Efrînî, cayanê şehîdanê ma tesbît bikerê û eşkerayîyêka qîme bidê rayaumûmîye. Tay şehîdî vanê ke cenazayê şehîdanê ma Goristanê Henan Zîyaretî yê Şera de ameyî definkerdene. Ma bêhurmetîya dewleta tirke ya vera cenazayan zanenê. Verî zî Şehîdgehê Şehîd Refîqî yê dewa Metîna yê Şera kerd baregehê leşkerî, Şehîdgehê Şehîde Avesta Xabûr  ê Efrînî kerd bazarê heywanan, Şehîdgehê Şehîd Seydoyî yê Koyê Qaziqli xera kerdbi. Ma wazenê bizanê ke şehîdê ma kamca de yê. Na babete de ma Neteweyanê Yewbîyayeyan ra  wazenê wa têbigêrê.''