Îşxalkeranê ke hêrişê Eyn Îsayî kerd, derbe werde
Dewleta tirke ya îşxalkere şaristanê Eyn Îsayî yê Rojawanî de hêrişê dewêke kerd. Şer de wesayîtê leşkerî yê îşxalkeran ro derbe ameye dayene.
Goreyê zanayîşan roja pancşemeyî serê sibayî dewleta tirke ya îşxalkere hêrişê dewa Seyda ya Eyn Îsayî kerd.
Şerwananê QSDyî cewab da îşxalkeran û şerêko giran herême de qewimîya. Şer de derbe dîyaye wesayîtêkê leşkerî yê îşxalkeran û hêriş ame şiknayene.
Îşxalkeranê ke neçare mendî ke apey xo bigêrê pê topan hêrişê merkezê Eyn Îsayî û rayîrê M4î kerd.
Serê sibayî zî herêma Şehba dîyaye bombayan ver. Hêriş vera dewa Ziwanî û awbendê Şehba ame kerdene. Hêrişî heta saete 07.00 dewam kerd.
