Roniştoxê dewa Burc El Qasî ya Efrînî debarê xo pê berardişê zeytûnan kenê. Îşxalê dewleta tirke yê vera Rojawanî ra dima dormeyê dewe hetê îşxalkeran ra ame girewtene.

Dewijê ke mîyanê dormerewtişê leşkeran de mendî zaf zorî ancenê. Cergî destûr nêdanê dewijan şorê hêgayan. Dewijê ke hetê debarî ra zaf tengasîye de yê 2 serran ra nata nêeşkenê erdê xo biromê.

Cergan dewe de 12 hezarî ra zêdêr zeytûnêrî birnayî û çimeyê debarê dewijan çin kerd. îşxalkerî seba ke dewijî koç bikerê pêro metodanê zorbazîyan xebitnenê. Dewij Kehle Eynad vat: "Cergî hêrişê ma kenê, hêgayanê ma vêşnenê. Ma wazenê cergî dewa ma ra şorê."

Şiwan Necîb Alîyî zî vat: "Hêrişanê cergan ra ez nêeşkena heywananê xo bêra meran." Dewija bîne Fedîla Nasiro zî vat: "Cergan dest na 600 zeytûnêranê mi û jeneratorê mi ser. Ma wazenê cergî herêma ma ra şorê."