Rojawanê Kurdîstanî de semedê protestokerdişê komployê vera Rayberê Şarê Kurdî Abdullah Ocalanî  xeylêk bajaran de çalakîyî ameyî kerdene.

Kobanê de bi des hezaran kesan bi şîarê ''Ma do pê ruhê xoverdayîşê zîndanan komplo û faşîzmî birijnê , Rayber Apoyî azad bikerê û ser bikewê'' vera komployî rayraşîyayîşêk kerd. Çalakwanê raraşîyayîşê dergî yê hîrê rojan zî tewrê çalakîye bîyî. Rayraşîyîş de sloganê Wa bimiro xayînîye,  Wa biciwîyo Rayber Apo ameyî eştene. Badê rayraşîyîşî mîtîng ame kerdene. Ayşe Efendî ke bi nameyê Kongreya Starî tîya qisey kerd vat: ''Şexsê Rayberê Şarê Kurdî Abdullah Ocalanî de komplo heme şaranê Rojhilatê Mîyanênî rê ame kerdene. Ewro felsefeya Rayber Apoyî herra de ma ciwîyena. Hêrişê ewroyên dewamê koployî yê. Ma do pê xoverdayîşê nê hêrişan û tecrîdî bişinê.''

Reyna Reqa,Heleb, Hesekê, Tiltemir, Şedadê û Hol de zî vera komplîyî şar kuçeyan de bi. Çalakîyan de hêzê komplokerî û paştgêrê înan ê xayînî ameyî şermezarkerdene û semedê şiknayîşê tecrîdî mesajê pîlkerdişê têkoşînî ameyî dayene. Qiseykerdişan de bale ameye antene serê hêrişê îşxalî yê dewleta tirke yê  vera Garê ke artêşa tirke binkewte operasyonê peyser ante, ser û xoverdayîşê gerîlayan ame selmakerdene. Hêrişê îşxalî sey dewamê komployî ame namekerdene û ame vatene ê xoverdayîşê şaran do ser bikewo.

.