Meclîsanê Keyeyanê Şehîdan ê Şehba û Efrînî tecrîdê vera Rayberê Şarê Kurdî Abdullah Ocalanî bi rayraşîyayîşêkî protesto kerd. Çalakîye de posterê Rayberê Şarê Kurdî ameyî kiriştene.

Rayraşîyayîş dima vurîya nawnayîşêk. Nawnayîş de Endamê Meclîsê Keyeyanê Şehîdan ê Şehba Hacîr Memoyî qisey kerd û vat: ''Ma do tecrîdî bişiknê. Ma do rayîro ke Rayber Apoyî mojnayo ma teqîb bikerê. Ma do vera tecrîdî bêveng nêmanê.''

Endama Meclîsê Keyeyanê Şehîdan ê Şehba Menale Şêxo zî ard ziwan ke Abdullah Ocalan semedê înan sembolê xoverdayîşî yo û ê do semedê pîlkerdişê têkoşînî û caardişê armancê şehîdan xîret bikerê.''

Çalakîye pê sloganan qedîyaye.