Heyva Sor a Kurdî tebdîranê vera vîrusê Korona reyde dest pê deştişê maskeyan zî kerd û seba naye ekîpêke naye ro. Ekîpa ke 40 kesan ra yena meydan serê sibayî saete 08:00 de dest pê karî keno bi vardîyayan qasê 13 saetan xebitîyena.

Merkez de rojêke de 5 hezar maskeyî yenê deştene û nê maskeyî hetê Heyva Sor a Kurdî ra şarê Efrînî û Şehba rê yenê vilakerdene.

Selahîyetdarê Heyva Sor a Kurdî Musa Mihemedî derheqê babete qisey kerd û vat: ''Semedê îmkananê kêman ra ekîpmanê ma yê weşîye qîm nêkenê. Ma zî gamêka winasêne eşte. Ma wazenê ke destpêk de 50 hezar maskeyan vila bikerê.''