Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene.

Şarê Şehba de seba ke paştî bido grevê vêşanîye yê tepişteyanê PKK û PAJKî rayberîya Kongreya-Starî de û bi şîarê 'Ma do xoverdayîşê zîndanan reyde faşîzm û îxanet çin bikerê' çalakîya rayraşîyayîşî kerde.

Rayraşîyayîş de fotografê Rayberê Şarê Kurdî Abdullah Ocalanî û alayê Kongreya Starî ameyî kiriştene.

Çalakîye de nameyê Kongreya Starî ser o Hemsereka Meclîsê Kantonê Efrînî Zeloxe Bekir qisey kerd. Zeloxe vat: ''Ma do wayîrê çalakîya  tepişteyan vejîyê û Rayber Apo azad bikerê. Ma venga şarê xo danê ke têkoşîn berz bikero.''

Rayraşîyayîş bi sloganê 'Xoverdayîş cuye yo' qedîya.