Endama Koordînasyonê Kongreya Starî û Komîteya Amadekarîye ya 8ê Adare ta Şehba Fatmê Silêman derheqê amadekarîyanê 8ê Adare de qisey kerd.

Fatmê Silêman destpêkê 8ê Adare yê pêro cinîyan fîraz kerd û ard ziwan ke 8ê Adare pê xoverdayîş û têkoşînê cinîyan manadar beno.

Silêmane da zanayene ke ê do têkoşîn û xoverdayîşê xo heta azadîya cinîyanê pêro dinya dewam bikerê.

Silêmane plansazîya çalakîyanê 8ê Adare ser o ard ziwan ke 2-3ê adare de Şehba de seba cinîyan kombîyayîş û semîneran bikerê.

Goreyê Silêmane:

4ê adare de cinîyî bi meşaleyan rayraşîyayîş bikerê

5ê adare de Kevana Zêrîn do karnavalêka bi kincanê cinîyan bikera

6ê adare de Meclîsê Keyeyanê Şehîdan şorê goranê şehîdan ser

7ê adare gazîyê Xoverdayîşê Serdemî do bêrê zîyaretkerdene

8ê adare de seba rewşa Rayberê Şarê Kurdî Abdullah Ocalanî do çalakîye bêra kerdene.

Peynîya qiseykerdişê xo de Fatmê Silêman venga pêro cinîyan da ke tewrê çalakîyanê 8ê Adare bibê.