Îdareyo Xoser ê Efrînî, Şaredarîya Şehba û Komîteya Weşîye goreyê îmkananê xo tebdîran gênê. Dima ke dibistanî û dezgehê fermî yêŞehba ameyî girewtene, dermanî tede ameyî  reşayene.

Rejîmê Sûrîye heta nika derheqê kesanê ke pê vîrusî kewtî eşkerayîyêka fermîye nêdaye. Efrînijê ke îşxalê dewleta tirke de neçare mendî ke koçê Şehba bikerê nika zî pê vîrusê Korona qerqilîyenê.

Hemşaredara Şehba Meleke Huseyîn pare kerd ke heta nika înan derheqê nêweşanê herêma Şehba de xeberêke nêgirewte û bi rayîrê Komîteya Weşîye, komun û meclîsan xîret kenê ke verê Korona bigêrê. Seba tebdîran zî semînerî yenê serûber kerdene, vilawekî yenê vilakerdene û bi rayîrê televîzyonî û vilawekan şar yeno zanayîşdayene.

Huseyîne pare kerd ke înan dest pê kampanyaya pakîye ya hîrê safhayan kerd û nê zanayîşî dayî:

-Safhaya yewîne; pakîya teberî. Ma dezgehan, dibistanan, dikanan û restorantan derman kenê.

-Safhaya diyîne; ma keyeyan, kuçeyan, cayanê çopî, kanalîzasyonan û camîyan derman kenê.

-Safhaya peyêne; dima ke varan vindeno ma do pêro kuçeyan derman bikerê.

Huseyîne ard ziwan ke ê do nê safahayan 15 rojan de yew 6 mengan dewam bikerê û vat: ''Seke yeno zanayene Şehba warêkê şerî bi. Naye ra xeylêk keyeyî rijîyaye yê û hetê weşîye ra xirab ê.''