Semedê şehîdanê Hesekê Kobanê û Dêrik de bi tewrbîyayîşê des hezaran kesan merasîmê bi heybetî ameyî kerdene.

Cenazayê diwês şehîdanê Hesekê 31ê ê çeleyî roja dişemeyî ameyî ardene nêweşxaneyî leşkerî yê Kobanê. Dewe û bajaranê herêma Firatî ra des hezaran kesî semedê raştkerdişê şehîdanê xo Şehîdgehê Şehîd Dîcle de ameyî têhet. Wextê merasîmî de esnafan zî kepenkî xo qefilnayî.

Merasîm de Hetkarê Hemserekanê Meclîsê Kantonê Kobanê Ferhan Kobanê qiseykerdişêko kilm kerd. Kobanêyî bale ante planê girdî yê dewleta tirke ser ke bi destê DAÎŞî vera Zîndanê Sînaa yê Hesekê ame kerdene ser û vat bi nê planî ame waştene ke Herêma Cizîre bîgêrîyo binê kontrolî . Kobanêyî vat: ''Xeyrê fedakarîya şehîdan û cehdkerdişê şarê Rojawanî planê dewleta tirke pûç ameyî vetene. Serrgêra azadkerdişê Kobanê de serkewtişê bîn ame îlankerdene.''

Hemserekê Meclîsê Leşkerî yê Kobanê Mehmûd Kobanêyî zî ard ziwan ke şerwanê QSDyî seba ke herême de haştîye û îstîkrar bibo û wayûbiratîye bêro dewam kerdene ganê xo feda kenê.

Meclîsê Keyeyanê Şehîdan badê merasîmî belgeyê şehadetî yê şerewanê QSDyî Mihemed Bozan, Nîhad Şêx Mûsa, Dara Mihemed Mihemed, Mehmûd Henkî, Îsmaîl Mihemed Elî, Bozan Mislim Xelîl, Mihemed Esmet Walî, Hisên Elî Îsmaîl, Feysel Sedûn, Heysem Nebo Mihemed, Mehmûd Mezî û Hisên Kinoyî wendî û teslîmê keyeyanê înan kerdî.

Dêrik de zî bi hezaran kesî merasîmê şehîdanê Hemleya Gurzê Şaran  Ehmed Yûsif (Ceger), Mistefa El-Felac (Mistefa), Mihemed Mişel (Mihemed), Ehmed Xelef (Ehmed), Ayaz Elî, Zahid El-Kerfo (Zahid), Mehil El-Hemîd (Menhil), Mihemed El-Celûd (Mihemed), Xidir El-Ibêd (Ararat Çilaxa) û Îsa Hemed (Îsa) de ameyî têhet.

Şarê ke şehîdê xo Nêweşxaneyê Wetenî ra girewtî berdî Şehîdgehê Şehîd Xebat Dêrikî. Şehîdgeh de badê rêzgirewtişî bi nameyê Konrgreya Starî Sîlvan Efrîn qisey kerd. Efrîne bale ante serkewtişê QSDyî yê vera çeteyanê DAÎŞî ser û vat şarî Hemleya Gurzê Şaran de vera komployan ser kewtî. Fermandaranê QSDyî ra Şiblî Şiblî zî vat Hemleya Gurzê Şaran heme şarê Rojawanî pawitî. Hemserekê Meclîsê Keyeyanê Şehîdan Ebdurehman Alî zî vat Rojawan xeyrê şehîdan cayêko pawite yo. Endamê Meclîsê Keyeyanê Şehîdan Mehmûd Ehmedî belgeyê şehadetê şehîdan wendî û teslîmê keyeyanê înan kerdî.

Badê merasîmî cenazayê Ehmed Yûsif, (Ceger), Xidir El-Ibêd (Ararat Çilaxa), Ayazî Elî, Zahid El-Kerfo (Zahid) û Minhil El-Hemîdî (Minhil) Şehîdgehê Şehîd Xebat Dêrikî de bi sloganan ameyî definkerdene. Mistefa El-Felac (Mistefa), Mihemed Mişel (Mihemed), Ehmed Xelef (Ehemd), Mihemed El-Celûd (Mihemed) û Îsa Hemed (Îsa) do siba Til Koçer de bêrê definkerdene.