Qamişlo, Kobanê û Hesekê de semedê şehîdanê Rojawanî yê ke vera hêrişê îşxalê dewleta tirke bi hewayêkê qehremankî şer kerd û tewrê kerwanê şehîdan bîyî merasîmê definkerdişî ameyî organîzekerdene.

Qamişlo de semedê şervananê QSD û Hêzanê Asayîşê Zereyî yê ke Qamişlo, Minbic û Heleb de netîceya hêrişî hewayî de şehîd bîyî merasîmê cenaza ame kerdene.  Merasîmo ke Şehîdgehê Şehîd Delîl Saroxanî de ame kerdene bi hezaran kesî tewrê ci bîyî. Badê qiseykerdişan  şervanê QSDyî Harûn Qamişlo (Şêxmûs Yûsif), Mazlum Qamişlo (Ferhad Xelil) û Murad Qamişlo (Ebdulmecid El Diyab), endamê Hêzanê Komandoyî Zagros Qamişlo (Ehmed El Mihemed) û endamê Hêzanê Asayîşê Zereyî Mizgîn Kurdo şehîdgehê taxa Meyselunî de ameyî definkerdene.

Hesekê de zî şervanê QSDyî Agirî Hesekê (Mecid Ebdulqadir), Baran Hesekê (Ziyad Tariq El Ubêd), Malik Cebel (Fadî Ebas El Xalid), endamê Hêzanê Komandoyî Brusk Hesekê (Emar Mihemed Hisên) û endamê Hêzanê Asayîşê Zereyî Şehit Mihemed Remezan Şehîdgehê Şehîd Dijwarî de bi merasîmêkî ameyî definkerdene.

Kobanê de zî 6 şervanê azadîye ê ke wextanê cîya cîyayan de şehîd bîyä, Şehîdgehê Şehîde Dîcle de ameyî definkerdene. Endamê Hêzanê Asayîşê Zereyî, YPJ û Hêzanê Komandoyî Mistefa (Mistefa Îsa), Reşîd (Reşîd Ebdo), Bênav (Welat Ehmed), Çiya Kobanê (Ferîd Misto) yê ke 9ê kanûne de Qereqozaq de şehîd bîyî, Hesen (Hesen Osman) o ke 7ê kanûne de Minbic de şehîd û bi Berçem Kobanê (Zeyneb Mihemed)  ya ke 1ê kanûne de Hesekê de şehîd bîye bi merasîmo ke bi hezaran kesî tewrê ci bîyî ameyî definkerdene.

Qiseykerdişan de derheqê xoverdayîşê tarîxî yê şervananê azadîye de ame qiseykerdene û soz ame dayene ke do no têkoşîno tarîxî bêro wayîrvejîyayene û ser bikewo.