Şerwana YPJyî ya enternasyonalîste Hêlîne Qereçox (Anna Campbell)a ke 15ê adara 2018î de Efrîn de şehîd bibî, hetê şerwananê YPJ û YPGyî ra pê merasîmêkê leşkerî ameye yadkerdene.

Fermandarîya YPJyî ra Dilbirîne Kobanê merasîm de qisey kerd û ard ziwan ke ê şexsê Hêlîne de pêro şehîdan yad kenê ke seba Efrînî ganê xo feda kerdî.

Dilbirîne vat: ''Embaze Hêlîn rixmo ke neteweyêka bîne ra bîye  sînorî nas nêkerdî û tewra têkoşînî bîye. Embaze Hêlîn seba azadîya şaran şer kerd, vera barbarîya dewleta tirke tewrbîyayîşê ci cewabêk bi. Aye têkoşînê Efrînî de ca girewt û seba ke qesasê embazanê xo bigêra tewrê Xoverdayîşê Modernî bîye.  Embaze Hêlîne Qereçox bîye sembolê cinîya têkoşere ya merdimîye. Ma soz danê ke qesasê ci bigêrê û ma rîyê xo verê vîrameyê ci de anê war.''

Merasîm pê sloganê 'şehîdî nêmirenî' dewam kerd û tewr peyên zî seba vîrameyîşê Hêlîne Qereçox awa Firatî de findî ameyî tavistene.