Bi se hezeran multecîyê efrînijêke rîyê hêrişê îşxalê dewleta tirke ra Şehba de ciwîyene binê riskê girî yê nêweşîya Korona de yê. Doktor Osman Şêx İsayî vist vîrî ke rîyê şerî ra Şehba de ne hetê weşîye ra ne zî hetê asayîşî ra şertî goreyê cuya nêyî û vat eke vîrusê Korona tîya bibo vila netîceya ci zaf giran bena.

Doktor Osman Şêx İsayî vat: ''Herêma ma de hema nêweşîye çîn a la nêno no mana ke do çînê ba. Heta nika ne hetê rejîmî ra ne zî hetê dezgehanê mîyanneteweyî ra hetkarîyêke nêameye. Naye ra ma bi îmkananê xo tedbîran gênê.  Tîya rojane 700-800 kesî semedê muayene yenê. Ma bi wesayîtan dewan de anons kenê û bi vilawekan derheqê nêweşîye de şarî hîşyar kenê û derheqê tedbîran de zanayîş danê. Hêver şar ameyêne nan û çîyo ke ci rê hewce keno bi xo girewtêne. Ewro ra tepîya do komunî  keye, keye bigêrî û nînan vila bikerê.  Cayê kombîyayîşan ameyî qefilnayene. Reyna goreyê qerarê îdareyê xoserî do xebakarê dezgehî zî pêro pîya nê sey dorê hergo çend kesî bixewtî.

Ma vera virûsî tayî tedbîrî girewtî.Tekîlîya ma bi Helebî esta. Nêweşî do Helebî rê bêrê şawitene. Reyna Şehba de zî ma mekezêk nane ro.  Zaf bêrê Şehba estê coka tehlukê gird o. Her hetî ra nêweşîye eşkena bêro. Îmkanê ma kêm ê. Ganî dezgehê mîyanneteweyî û rejîmê Sûrîye hetkarî bikero. Senî ke Sûrîye de merkezê rewşa lezabezî ameyî ronayene ganî Şehba de zî bêrê ronayene.  Tîya 5 kampe ma estê û tede bi des hezaran kesî estê. Cuya nînan kampan de tehluke de ya. Têna yew ambulansê ma esto. Reyna semedê nêweşê ke do Helebî rê bêrê şawitne destûr hewce keno. Beno ke destûr nêdîyo. Na rewşe tehlukeyê girdî ana ra. Ganî semedê nêweşanê virûsî sîstemêko taybet bêro ronayene. Eke sey verî goreyê destûrî bêro têgêrayene netîceyê giranî vejîyenê werte. Ganî rejîm cade semedê na herême careserîyêke vîno. Ma çîyo ke destê ma ra bêro kenê la ganî bêro zanayene ke îmkanê ma nêvejenê. Şar ganî hîsdar bo bi ruhê seferberîye tê bigêro.''