Efrînijê ke îşxalê dewleta tirke ra neçare mendî ke koçê Şehba bikerê raştê bombardumananê dewleta tirke û ambargoyê bêrehmî yê hukmatê Şamî yenê.

Ambargoyî ra destûr nêdîyeno ke îhtîyacê bingeyî yê sey sotemenî, derman, xida û şitê domanan derbazê herême bibê.

2yê kanûne de Kampa Serdemî de domanê bi nameyê Sozdar Hesenî serdî ra dinyaya xo bedilnaye.

Seba ke destûr nêdîyeno sotemenî kampe de meseleya germînbîyayîşî zêdîyena. Ceyranê Şehba zî birîya.

Îdareyo Xoser û Meclîsê Şarî kenê ke bi îmkananê xo xizmetan bidê.

Ambargo bi giranî tesîrê nêweşxaneyan zî keno. Nêweşxaneyê Avrîne de meseleya sotemenî û ceyranî ra teyna servîsê ciewnîyayîşê giranî xizmet dano. Derman çin o ke nêweşxane de bêro dayene nêweşan.