Rojawan bi xoverdayîşê vera faşîzm û îşxalî, bi komelê azadgîrîya cinîyan, ekolojîk û demokratîkî bala rêxistinanê anarşîstan ê dinya ante. Anarşîste Elena vat: ''Çunke serkewtişê Rojawanî serkewtişê rêxistinanê şorişgêran o.''
3ê kanûne de rêxistinanê anarşîstan ê Uruguay, Brezilya, Arjantin, Katalonya, Elmanya, Fransa, Swîsre, Îtalya, Yewnanistan, Zelanda Newîye û koma 'Têkoşînê Anarşîstî' yê Rojawanî bi serrnameyê ''Rojawanî dinya pawite, nika zî dinya do Şorişê Rojawanî bipawa'' eşkerayîyêka hempare daye. Endamêka nê rêxistinan ê anarşîstan Elena derheqê babete de ANFyî rê qisey kerd.
Elena îfade kerd ke anarşîstî destpêkî ra nata paştî danê şorişanê sosyalîstan û enternasyonalîstan û vat: ''Ma têkoşînê azadîye yê Kurdîstanî nêzdîyê têkoşînê xo vînenê. Ma paştî danê sîstemê Rojawanî. Ma sîstemê Rojawanî seba azadîya cinîyan û ekolojî girîng vînenê. Ma karakterê enternasyonalîstî yê nê şorişî vînenê. Serkewtişê Şorişê Rojawanî serkewtişê rêxistinanê şorişgêran ê pêro dinya yo.''
Anarşîste Elena bale ante eşkerayîya hempare ya rêxistinanê anarşîstan û da zanayene ke nê rêxistinî paştî danê Şorişê Rojawanî: "Coordination anarchiste brésilienne (CAB, Brésil), Fédération anarchiste uruguayenne (FAU, Uruguay), Fédération anarchiste de Rosario (FAR, Argentine), Organisation anarchiste de Cordoba (OAC, Argentine), Union communiste libertaire (France), Embat (Organisation anarchiste de Catalogne), Alternative Libertaire / Fédération communiste anarchiste (AL / fdca, Italie), Anarchist Federation (Greece), Roja y Negra – Organizacion Politica Anarquista (Buenos Aires – Argentine), Organisation socialiste libertaire (OSL, Suisse), Die Plattform (Allemagne), Libertäre Aktion (LA, Suisse), Aotearoa Workers Solidarity Movement (AWSM, Nouvelle-Zélande) û Têkoşîno Anarşîst (Rojava)."
