Eşîra Silma ra Şêx Mihemed Tirkî Sûanî ANFyî rê qisey kerd û provakasyonê Minbicî, dewleta tirke, DAÎŞ û Baasî ercnayî.

Şêx Mihemed Tirkî Sûanî ard ziwan ke Baas goreyê hesabanê xo têgêreno û vat: ''Rûsya, Îran, Tirkîya û rejîmê Baasî herême de kaos aferna. Baas vera şaranê Sûrîye û Rojawanî dewleta tirke reyde peymanan keno ke nînan ra yew zî peymana birnayîşê awa Firatî ya. Baas û dewleta tirke wazenê sîstemê demokratîkî yê Rojawanî çin bikerê. Ma sey şaran, eşîran û beşanê bînan ê Sûrîye dormeyê QSDyî de û Îdareyê Xoserî de do bibê yew. Ma ganî pîya mesele çareser bikerê. Hucreyê ke wazenê Rojawan û Sûrîye de aramîye çin bikerê rejîmê Baasî, dewleta tirke û cergê ci yê. Nê hucreyî coka provakasyonan kenê.''

Şêx Mihemed Tirkî Sûanî îfade kerd ke Baasî Efrîn, Girê Sipî û Serêkanîyê dewleta tirke rê rotî û vat: ''Baasî bi temamî 7 şaristanê Îdareyê Xoserî rotî. Eke Baas menfaatanê şarê Sûrîye fikirîyeno wa şoro herêmanê îşxalkerdeyan bixelisno. Ma nê herêmî pê gonîya xo destê DAÎŞî ra xelisnabî. Êyê ke tirk ê, wayîrê nasnameyê Sûrîye nîyê wa Sûrîye ra vejê. Serebûtê Minbicî kayê hucreyan ê nimiteyan ê. Ma sey şaranê Sûrîye Îdareyê Xoserî û QSD xo rê esas gênê. Ma wazenê hînî peynîya nê dejan bêra.''