Odaya Çalakîyan ya Xezebê Zeytûnan îzehetêko nuştekî daye û îzehetê xo de dîyar kerda ke kesêkê ke Bab de ajanîya dewleta tirkî kerdêne û xeylê qetlîamanê sivîlan de ca girewto, ameyo ceza kerdene.

Îzehetê Odaya Çalakîyan ya Xezebê Zeytûnan wina yo:

“Efrîn, Ezaz û Îdlîb de vera çeteyê ke girêdayeyê dewleta tirkî yî de çalakîyê ma zêde benî û tayê kesî hewl danî ajanîya dewleta tirkî bikerî. Nê ajanî wazenî hêzanê ma bixapênî û bi no hawa derbe bidî hêzanê ma ro. Ma çend reyî nê xayîn û ajanan hişyar kerdî, labelê nînan hewldayîşê xo domnayî.

Nê ajan û çeteyan ra yew zî Ehmed Zekerîya El-Mihemed bi û nê kesî herême de seba dewleta tirkî melumatî arê dayênê. Reyna xeylê qetlîaman de rolêko sereke kay kerdo. Engîşta ci xeylê qetlîaman de estbî. No kes netîceyê taqîbê şerwananê ma de Bab de ameyo tepiştene. Badê ke nê ajanî sucê xo îtîraf kerdî, 16ê êlule de ameyo ceza kerdene.

Odaya Çalakîyan ya Xezebê Zeytûnan kura de beno wa bibo, do cezakerdişê ajanan bidomno. Heta ke mehkemeyê sivîlî yê Efrînî hetê şar û Îdareyo Xoser ra bêrî awan kerdene, çalakîyê ma do dewam bikerî. Wexto ke mehkemeyî bêrî awan kerdene, ma do o wext heme xayînan teslîmê mehkemeyan bikerî.”