30ê adare de heyetêkê dîplomatîkî yê Almanya Dayîreyê Têkilîyanê Teberî yê Îdareyê Xoserî yê Rojawanî zîyaret kerd. Heyetê Almanya de Serekê Mudirîya Karanê Sersefîrîya Teberî yê Wezîrîya Karanê Teberî yê Almanya Kurt George StuckeStilfried, Hetkarê Sersefîrîya Almanya Manga Kleese ca girewt.

Hemserekê Dayîreyê Têkilîyanê Teberî Ebdulkerîm Omer, Hetkaranê Dayîreyî Fener El Giet û Ebîre Elîyê, Temsîlkarê Nuştegehê Têkilîyan û Fermandara YPJyî Lana Hesen heyetê Almanya pêşwazî kerd.

Pêvînayîş de qala rewşa Sûrîye, metodanê çareserîya alozîya Sûrîye û rewşa Rojawanî ameye kerdene. Heyetê Rojawanî bale ante rewşa kampan û tehlukeyanê vera Îdareyê Xoserî ser.

Kurt Georg Stuckl-Stilfriedî pare kerd ke Almanya ganî hetê ekonomî ra hetkarîya Îdareyê Xoserî biba.

 Pêvînayîş de Dayîreyê Têkilîyanê Teberî 27 doman û 10 cinîyê DAÎŞî yê ke hemwelatîyê Almanya yê, teslîmê heyetî kerd.

Fener El-Giêt îfade kerd ke reya 3. a ke heyetêkê Almanya herême zîyaret kena û da zanayene ke teslîmkerdişê cinî û domanan goreyê belgeyanê fermîyan bi. Giêtî ard ziwan ke dewletê Ewropa hemwelatîyanê xo yê DAÎŞîyan bigêrê.

Heta nika Îdareyê Xoserî 91 doman û cinîyê DAÎŞî teslîmê Almanya kerdî.