Kobanê de bi hezaran kesî seba Efrînî çalakîye virazenî

Bi hezaran kesî seba ke sucê merdimîye ke Efrîn de hetê dewleta tirkî ra yenî kerdene protesto bikerî, Rasteyê Jina Azadî yê Kobanê de ameyî têhet û dest bi çalakîya rayîrraşîyayîşî kerdî.

Bi hezaran kesê ke beşdarê rayîrraşîyayîşî bîyî, bi pankartanê ‘Efrîn de bedilnayîşê demografîya rê nê’, ‘Azadbîyayîşê Efrînî, dagîrkerîya Tirkîya û terorî ra rizgarbîyayîşê Sûrîye yo’, ‘Ma vera kerdişanê Efrînî de bêvengîya mîyanneteweyî şermizar kenî’ kirîşenî û siloganê ke Xoverdayîşê Seserre yê Efrînî silam kenî, erzenî.

Ame musayene ke kesê ke cadeyê girdî yê bajarî de rayîr ra  şonî, do reyna biagêrî Rasteyê Jina Azadî û raste de îdarekarê Kantonê Kobanê do qisey bikerî.