Hêzanê Xelisnayîşê Efrînî (HRE) bi eşkerayîyêka nuştekîye bîlançoya çalakîyanê xo ya mabênê 11 û 14ê adare eşkera kerde. HRE da zanayene ke çalakîyanê înan de 10 cergî ameyî kiştene, leşkerêko tirk û 5 cergê îşxalkerî zî birîndar bîyî.

Eşkerayîya HRE wina ya:
''Mabênê rojanê 11 û 14ê adare de hetê hêzanê ma ra çalakîyê bitesîrî ameyî kerdene.

Roja 11ê adare de;

Hêzanê ma dewa Daxlibaşî ya herêma Babê de çalakîyêka sabotajî vera cerganê îşxalkeran kerde. Netîce de 2 cergî ameyî kiştene û cergêk zî birîndar bi.

Roja 12ê adare;

Hêzanê ma dewa Beradê ya qezaya Şêrawa de vera cerganê artêşa îşxalkere çalakîyêke kerde. Netîceya çalakîye de 4 cergî ameyî kiştene, çekê AK-47î, telefonêk û telefonêko bêtel ameyî destvistene. Na çalakîye seba qesasê Şehîd Zinar Amedî ameye kerdene.

Roja 13ê adare;

Hêzanê ma nêzdîyê dewa Meryemînî ya qezaya Şera de çalakîyêke kerde. Netîceya na çalakîye de 2 cergî ameyî kiştene, cergêk û leşkerêko tirk zî birîndar bîyî. 4 çeperî û wesayîtêkê doçkayî ameyî îmhakerdene. Dest nayîya 2 çekanê A-4î, çeka BKCyî, çekêka AK-47î û guleyanê ci, 2 dûrbînan û telofonêkê bêtelî ser. Na çalakîye seba qesasê şehîd Zinar Amedî ameye kerdene.

Heman roje de hêzanê ma mabênê dewanê Beradê û Kefer Nebo yê qezaya Şêrawa de çalakîyêka sabotajî vera wesayîtêkê cergan kerde. Netîce de wesayît ame derbkerdene, cergêk ame kiştene û 2 cergî birîndar bîyî.

Roja 14ê adare;

Hêzanê ma çarrayîrê Kawayî yê merkezê Efrînî de vera cerganê îşxalkeran çalakîyêka sabotajî kerde. Netîceya na çalakîye de qaso ke ame zelalkerdene cergêk ame kiştene, cergêk zî birîndar bi.

Temamîya çalakîyanê 4 rojan de 10 cergî ameyî kiştene, 5 cergî û leşkerêko tirk zî birîndar bîyî.

Artêşa îşxalkere dew û qezayanê Efrînî û ê Şehba ser o bêmabên bombayan varnena û herême de têgêrayîşê teyarayan ê bêmerdiman dewam kenê.''