Dewleta tirke ya îşxalkere 23ê hezîrane de pê SÎHAyan hêrişê dewa Helincê ya Kobanê kerdbi û hêriş de Koordînasyonê Kongreya Starî ya Herêma Firatî ra Zehra Berkel û Hebûne Mele Xelîl û cinîya welatperwere Emîne Veysî ameybî qetilkerdene. Bi hezaran roniştoxanê Kobanê Goristanê Şehîde Dîcle yê Kobanê de 3 cinîyî defin kerdî.

Merasîm pê deqayêkê rêzgirewtişî destpê kerd. Dima Hemserekê Meclîsê Îdareyî yê Herêma Firatî Mihemed Şahînî qisey kerd û vat: ''Ma şehîdanê hêrişan ê namerdan yad kenê. Hêrişê dewleta tirke seke qesasê terorîstan ê.''
Endama Koordînasyonê Kongreya Starî Heyva Erebo zî vat: ''Ma ewro hîrê cinîyê şorişgêrî yê ke seba azadîye ganê xo dayî raşt kenê. Dişmenê merdimîye cinîyan kenê hedef.''

Nameyê Meclîsê Keyeyanê Şehîdan ser o Endamê Îdareyî Mala Xelîlî wina qisey kerd: ''Ma dişmenanê merdimîye û ê şarê kurdî rê vanê ke ma do xeta şehîdan teqîb bikerê, hêzê şima bişiknê. Senî ke ma DAÎŞ Kobanê de çin kerd, ma do Erdogan zî çin bikerê.''

Cenazayî pê slogan û tilîlîyan ameyî definkerdene.